2021 Information

Skul yia hem i stat long namba 1 Maj 2021. Plis mifala i askem yu blong yu folem gud ol samting we bambae mifala i talem long pepa ia.

  1. Registration or taem blong yu pem skul fi blong yu bambae i stap long Mande, namba 1 Maj mo taem blong skul or klas i stat long namba 1 Maj. Man we i kam let blong pem skul fi blong hem, bambae mifala i mekem hem i mas pem 1,500vt antap long skul fi blong hem, from we hem i mestem blong kam long Mande. Sipos yu mestem eni klas mifala daonem grad blong yu 3 points wan wan klas. Hem i impoten tumas yu stap long stret taem. Taem blong pem skul fi hemi stap long 2:00 – 4:00 long Mande aftenun. Baebol Skul bae i provaedem kakae stat long Mande 1 Maj long sapa.
  2. Fi blong styuden long 2021. Long 2021, mifala i gat trifala tem. Skul fi blong ful yia long styuden we oli slip long skul hem i 139,500 vatu long wan yia. Olgeta we oli AOG we oli slip long skul hem i 123,000 vatu long wan yia from we oli kasem wan skolasip. 
General breakdown of school fees

Smol tok save: Taem we yu kam rejista long 1 Maj, yu mas pem skul fi blong tem. Sipos yu kam rejista wetem haf mane blong skul fi, skul i alawem yu blong mas pem narafala haf we i stap long six wik nomo. Sipos skul fi hem i 46,500 vatu, yu mas pem 23,250. Afta six wik, yu mas pem narafala haf (23,250). Sipos yu no flatem long six wik ia, bae mifala i sanem yu aot long skul. Sipos yu yu wan styuden blong AOG, skolasip hem i ridyusum skul fi long 41,000 vatu. Yu mas pem 41,000 long 1 Maj, sipos no yu save pem haf olsem 20,500 vatu long 1 Maj mo 20,500 vatu afta six wik. Evri styuden mas pem 20,000 vatu long taem hem i kam rejista.  

Skul yia :

  • 1st Term: 1 Maj – 13 Mei (Registration 1 Maj)
  • 2nd Term: 31 Mai – 12 Ogis (Registration 31 Mai)
  • 3rd Term: 6 Septemba – 21 Novemba (Registration 6 Septemba) 

Smol Tok Save: Mifala i plan blong gat plante textbook. Praes blong olgeta textbook blong wan wan tem em i 10,000 vatu. Mane ia mifala em i putum finis insaed long skul fi blong yu.

Sam samting yu mas save bifo yu kam long Vila.

  • Yu mas tekem wetem yu naf mane blong pem ol samting olsem pen, pensel, toeletpepa, senta we i blokem smel blong swet, sop blong wasem klos, mo sam narafala samting.
  • Taem yu kam, yu mas karem sheet bed mo pilo from we Baebol skul hem i no provaedem.
  • Ol gel / boe styuden i mas slip insaed long campus. 
  • Skul i gat fasin blong yu dres gud taem yu kam long klas. Mifala no alawem yu blong werem t-sot long klas. Man i mas gat sot wetem nek mo gel hemi mas werem dress o sket wetem blaos.
  • Taem yu kasem Vila yu save ringim mifala blong pikimap yu o yu save kasem wan bus blong karem yu i kam long skul campus.

Mifala i prea se God bambae i mekem bigfala samting insaed long laef blong yu taem yu stap wetem mifala. Mifala i glad we yu jusum blong kam long Baebol skul. Mifala i askem yu blong yu kam wetem wan hat we i open blong lisin long toktok blong Masta mo rere blong folem rul mo lisin long olgeta we oli stap lukaotem Baebol skul. Bambae God i blesem yu! Sipos yu gat eni samting blong askem mifala, mifala i askem yu blong ringim mifala long telephone namba 7109983 (Dean of styuden), 7736185 (Principal), 27401 (skul office).

Tangkiu tumas,

J. Gary Ellison
Principal

Student Policies

Beginning first term 2012, students must pay 50% of their school bill for the term upon their arrival, 75% by fifth week, 100% before final exams.

All single full-time male and female students will be required to live on campus. Exceptions will be considered on an individual basis for longtime residents of Port Vila. This policy will be in effect beginning the third term 2011.